Translate: Bicolano • Bisaya • Chavacano • Hiligaynon • Ilocano • Kapampangan • Pangasinense • Tagalog • Waray
ATTY. JOSE MANUEL “CHEL” DIOKNO
- Founding Dean, De La Salle College of Law
- Chairman, Free Legal Assistance Group (FLAG)
Ninu i Atty. Chel Diokno?
Metung yang abugadu, talaturu, at tatang i Atty. Chel. Meyari yang Juris Doctor of Laws, Magna Cum Laude king Northern Illinois Univeristy king Amerika. Iya ing kasalungsungan a mamuntukan ning Free Legal Assistance Group (FLAG), at migtatag king De La Salle College of Law nung nukarin ya meging pekamumunang Dean.
I Atty. Chel anak neng Se. Jose “Ka Pepe” W. Diokno at apu ning dating Supreme Court Justice Ramon Diokno. Supling nala ning Taal, Batangas ing pamilya Diokno. Ating yang anam a anak i Atty. Chel.
Nanu nala reng agawa nang Atty. Chel Diokno?
Maygit 30 banwa neng mamyeng libring serbisyung ligal i Atty. Chel kareng pakakalulu. Uling keng kasakitan a dela ning pandemya, tetag neng Atty. Chel ing Free Legal Helpdesk king Facebook na mekasawup nang maygit 19,000 tawu.
Dakal e rin apanyambutan i Atty. Chel king korti. Iyang meging abugadu da reng biktima ning MV Doña Paz na maygit 4,300 la reng mengamate. Pauli na ning sawup nang ligal Atty. Chel, mibaslan lang danyus deng anggang kematayan a pamilya. Menyabut ne rin i Atty. Chel kareng kasung singga nala reng karapatang pantawu, katimawan king pamanyalita at pamanyulat.
Libring serbisyung ligal king bálang báryu. Ibálik tá ya ing sikan da ring pakákalúlu!
— ATTY. CHEL DIOKNO