Kung may retirement plan ang isang kumpanya, ang mga benepisyo ng isang employee na magreretire ay depende sa kontrata, collective bargaining agreement, o polisiya ng kumpanya.
Gayunpaman, nirerequire ng ating batas na ang isang empleyadong nagretire ay entitled sa final pay. Kasama sa final pay ang mga sumusunod:
- Unpaid earned salary of the employee;
- Cash conversion of the unused Service Incentive Leave (5 days);
- Cash conversions of remaining unused vacation, sick or other leaves pursuant to a company policy, or individual or collective agreement, if applicable;
- Pro-rated 13th month pay;
- Retirement pay, if applicable;
- Income tax claim of excess of taxes withheld;
- Other types of compensation stipulated in collective agreement;
- Cash bonds or any kinds of deposits due for return to employee;
Kung wala namang retirement plan ang employer, ayon naman sa Retirement Pay Law or RA 764, entitled sa retirement pay ang sinumang employee na nakapagrender ng at least 5 years of service sa company at may edad 60 to 65 years old. Ang amount ng retirement pay ay 1/2 month salary for every year of service, ang six (6) months ay considered na 1 year of service na din.
Ayon naman sa mga desisyon ng Supreme Court, at base na rin sa nasabing batas at Implementing Rules and Regulations nito, ang retirement pay ay 22.5 days na sweldo for every year of service.
Gayunman, hindi sakop ng batas na ito ang mga retail, service, at agricultural establishments o operations na may hindi hihigit sa sampung (10) empleyado.
Kung di tumupad sa nabanggit ang employer ay pwede itong ireklamo.
Kung ang money claims ninyo ay lagpas sa P5,000.00, maaaring magsampa ng reklamo sa National Labor Relations Commission (NLRC) tungkol dito. Ang proseso pong ito ay masisimulan sa pamamagitan ng request for assistance para sa Single Entry Approach (SEnA) sa kaukulang regional arbitration branch ng NLRC na may sakop sa lugar ng inyong employer. Kung sakop naman ng NCR ang inyong employer, maaari kayong magfile online ayon sa nakasaad sa sumusunod na link: https://nlrc.dole.gov.ph/Node/view/TlYwMDAxOA.
Kung hindi naman lalagpas sa P5,000.00, ang reklamo ay dapat isampa sa Regional Director ng DOLE regional office na may sakop sa inyong office. Pwede rin pong gawin online ang pagreklamo sa link na ito: https://sena.dole.gov.ph/.
Para sa mas masusing gabay ukol dito, maaaring sumangguni sa DOLE hotline 1349, o tawagan ang angkop na DOLE Regional Office sa inyong lokasyon sa mga numerong makkita sa sumusunod na link: http://ble.dole.gov.ph/index.php/contactusmenu/115-dole-regional-offices.