Pag kinasal ba ang Pilipino sa ibang bansa, kinikilala rin ang kasal dito?
Opo. Ang batas natin sa foreign marriages ay makikita sa Article 71 ng Civil Code.
Ayon dito: “All marriages performed outside the Philippines in accordance with the laws in force in the country where they were performed, and valid there as such, shall also be valid in this country, except bigamous, polygamous, or incestuous marriages, as determined by Philippine law.”
Mula dito, dalawa ang kailangang ipakita para kilalanin sa Pilipinas ang kasal abroad:
Una- ang foreign law o batas tungkol sa kasal na effective sa bansang ‘yon; at
Pangalawa- ang mismong kasal na ginanap, na ginawa dapat nang aayon sa batas nila
May rules din ang Department of Foreign Affairs o DFA sa pag-rehistro ng foreign marriage sa Philippine embassy o consulate kung saan kinasal.
Ang general requirements para rito ay:
- Report of Marriage Form
- Foreign Marriage Certificate
- Birth Certificates
- Passports
Ipapasa ito ng Embassy sa DFA-Manila, na siya namang magpapadala sa Office of the Civil Registrar General. Pagkatapos nito, makukuha na ang Marriage Certificate mula sa Pilipinas.
Para matulungan dito, i-contact lang ang Philippine Embassy o Consulate sa bansa kung saan ikinasal.
